✍️ 《重新開始｜2003–2017：寫 blog 是我陪伴自己的方式》
本篇原文寫於 2017 年，現以 2025 年的我重新整理。
有些習慣，即使你曾經停過好幾次，都會在人生某個時間，自然地回來。
對我來說，寫 blog 就是一種存在。
從 2003 年開始，我就在網路上寫日記。那時候未有 Facebook、未有 IG，只有一個叫 HKFLASH 的平台，是我第一個用來記錄生活的地方。
我不會用很複雜的文字，也不是為了流量，只係想用一種方式
讓人明白自己，也讓自己睇認識更深入的自己。
我一直都想被理解
我是一個天蠍座，可能真的如人所講，內裡有好多情感，同時亦好渴望有人可以「明白我」。
所以，寫 blog 對我來說，不單是寫日記，亦是一種陪伴
「其實，我已經習慣了自己的不完美，因為我本來就不是一個完美的人。」
— 寫於 2017，《我執》
我試過在不同平台寫過，HKFLASH、XANGA、PCHome 電子報、Blogger等等⋯⋯
每個階段都陪我行過一段路，而我最鍾意，始終是打開一個乾乾淨淨的畫面，留下一句：「我又返嚟啦」。
pick C up bakery 的出現，是第一次認真記錄「自己喜歡的事」
2011 年，我創立了網上蛋糕店，叫 pick C up bakery。
C 是我，C 也是 Cake。
Pick me up，就好像 Tiramisu 的意思 – 帶我走
我真心鍾意做甜品，亦真心想透過寫 blog 去記錄做蛋糕、生活點滴、甚至每日自己細細的想法。
所以我買了網域，正式開始了屬於自己的空間。
我沒有再寫得多，但一直想寫得對得住自己
我承認，中間我有停過好多次。
有時平台關了、有時生活太亂、有時懷疑自己寫的是為了什麼。
「從開始寫 blog 到今日，斷斷續續都已經十幾年，我一直都係為咗 blog 而煩惱，但又一直都冇放棄過。」— 寫於 2017，《重新開始》
我其實，一直好努力地經營緊一個屬於自己的人生。
而家再一次寫返低，就是想告訴自己：
「記錄，不是為了流量，只是為了留下。」
不需要等 perfect的文章，不需要好多 like 才算數，
而是想我可以好老實的說：「這一篇，才是代表當時的我。」
如果你曾經都是 Blogger，或者你都寫過好多「重新開始」，我想講：
我明白你。
我亦試過好想寫返，但又怕寫得不好；
試過重新開 blog，又關閉；又開，又停；又想抹走，但又不捨。
但，你一直在寫，就夠了。
每篇 blog，就好似一封畀自己嘅信，永遠唔會過時。
如果你都寫過 blog，
你記唔記得你第一篇 blog 係寫咩？
又或者你曾經幾多次話「我要重新開始」？
歡迎你喺留言話我知，我會睇晒每一個分享 🧡